شافت الدبله في يدّي

شافت الدبله في يدّي وازعلت ,,, والملامح في محيّاها غضوبه
وسكتت لحظه.. وجتني وسألت ,,, يا غلا..لا يكون ملكه..او خطوبه

ما قدرت اتكلم وعيني خجلت ,,, قمت اطالع خاتمي..وانظاري صوبه
حلّفتني حيل.. حيل توسلّت ,,, قلت آسف..وادري ما همّتها توبه

قلت كلمه..الدنيا فيها تزلزلت ,,, قلت روحي بروح غيرك مغصوبه
شفت دمعه تحجرت .. بس نزلت ,,, من عيون ناعسه كلها عذوبه

طالعتني وطالعت وتأملت ,,, كنّها تعاتب زماني وكل عيوبه
وبصعوبه حروف من فاها وصلت ,,, والسكون اصبح كما الريح وهبوبه

اكرهك قالتها ..بس ما تحملت ,,, والله مسكينه من قليبي وذنوبه
قالت الدنيا من افراحي خلت ,,, انحكم ابكي من ظروف مكتوبه

قمت انا اتبسم وضحكاتي علت ,,, وقلت اسف قصتي كلها اكذوبه
كنت اجرب دبله ..يدي فيها ابتلت ,,, وعلقت ما تطلع الا بكل صعوبه

..

كلمات كتير رووووعة و مؤثرة

يعطيك العافية ع الطرح

واصللي ابداعك

تحياتي لك

دمت بكل حب